Nawanagar Time
ગુજરાત જામનગર

કોલ્ડવેવ ! હજુ બે દિવસ ઠુંઠવાવું પડશે

coldwave-you-have-to-beat-for-two-days

જામનગર:-જામનગર સહિત રાજ્યમાં ઠંડીનો ચમકારો યથાવત રહ્યો છે. કાતિલ સૂસવાટ મારતાં પવનો અને ઠંડીથી લોકો ઠૂંઠવાઇ રહ્યા છે, જેનું કારણ ઉત્તર ભારતમાં થઇ રહેલી ભારે હિમવર્ષા છે. આટલી કાતિલ ઠંડી હોવા છતાં હવામાન વિભાગે હજી બે દિવસ ઠંડીનું જોર યથાવત રહે તેવી આગાહી કરી છે અને હજી પણ તાપમાનનો પારો 3 ડિગ્રી ઘટી શકે છે.

રાજ્યના અલગ અલગ વિસ્તારોના તાપમાનની વાત કરીએ તો, નલિયામાં 11.2 ડિગ્રી તાપમાન અને વલસાડમાં 11.1 ડિગ્રી નોંધાયું છે. આ સિવાય મહુવામાં લધુત્તમ તાપમાન 9.9 ડિગ્રી સાથે સૌથી ઠંડુંગાર રહ્યું છે. કંડલા એરપોર્ટ અને વડોદરામાં 10.6 ડિગ્રી તાપમાન, અમદાવાદ અને ડિસામાં 12.8 ડિગ્રી તાપમાનનો પારો નોંધાયો છે. રાજ્યમાં ફૂંકાઈ રહેલા પવનના કારણે ઠંડીનો પ્રકોપ વધ્યો છે. છેલ્લા એક અઠવાડિયામાં રાજ્યમાં પડી રહેલી કાતિલ ઠંડીમાં હવામાન વિભાગ દ્વારા આગાહી આપવામાં આવી છે કે આગામી 2 દિવસોમાં કોલ્ડવેવની અસર સર્જાઇ શકે છે. હવામાન વિભાગ ખેડૂતો માટે પણ માઠા સમાચાર લઇને આવ્યું છે. હવામાન વિભાગે જણાવ્યું છે કે, રાજ્યમાં ઘણા વિસ્તારોમાં છૂટો છવાયો વરસાદ પડી શકે છે. જેના કારણે શિયાળું પાકને નુકસાન થવાની ભીંતિ સેવાઇ રહી છે.

Related posts

જામનગર લોકસભા બેઠક પર યુવા મતદારો કિંગમેકર બનશે

Nawanagar Time

જિલ્લાના 11 શિક્ષક સામે હત્યા-બળાત્કાર જેવા ગંભીર ગુના

Nawanagar Time

ઊંડ-1 સિંચાઈ યોજના કેનાલના કામમાં ભ્રષ્ટાચારનો ભોગ બનતા ખેડૂતો

Nawanagar Time

Leave a Comment