Nawanagar Time
ગુજરાત નેશનલ

ગુજરાતમાં કોંગ્રેસ 500 જેટલી સભાઓ યોજશે

congress-will-organize-500-meetings-in-gujarat

નવી દિલ્હી:-લોકસભા ચૂંટણી પહેલાં કોંગ્રેસે કવાયત શરૂ કરી છે. જેમાં કોંગ્રેસ દ્વારા આઠ જેટલી વિવિધ કમિટિઓની યાદી જાહેર થઈ છે. કોંગ્રેસે આગામી લોકસભા ચૂંટણીને લઈને કોર્ડિનેશન કમિટી, પ્રદેશ ઈલેકશન કમિટી, કેમ્પેઈન કમિટી, પબ્લિકસીટી કમિટી, મીડિયા કોર્ડિનેશન કમિટી, મેનીફેસ્ટો કમિટી અને ઈલેકશન મેનેજમેન્ટ કમિટીની રચના કરી છે.

જે હેઠળ ગુજરાત કોંગ્રેસ કેમ્પઇન કમિટીની પ્રથમ બેઠક આજે મળી હતી જેમાં લોકસભા ચૂંટણીના પ્રચાર માટે 40થી વધારે રાષ્ટ્રીય નેતાઓને સભા માટે ગુજરાતમાં બોલાવાશે એ અંગે નિર્ણય લેવામાં આવ્યો હતો. આ બેઠકમાં  પ્રિયંકા ગાંધીને મહિલા સંમેલનમાં હાજર રહેવા આમંત્રણ ઉપરાંત રાહુલ ગાંધી, જયોતિરાદિત્ય સિંધિયા, સચીન પાઇલોટ, નવજોતસિંહ સિંધુ, કમલનાથ, અશોક ગેહલોત સહિતના નેતાઓ ગુજરાતમાં સભાઓ સંબોધે તેવો પ્રસ્તાવ રજૂ કરવામાં આવ્યો હતો.

તમામ લોકસભા બેઠકમાં બે રાષ્ટ્રીય નેતાઓની સભા થાય એવું કોંગ્રેસ દ્વારા આયોજન કરવામાં આવ્યું છે.

કોંગ્રેસની કેમ્પેઇન કમિટીની બેઠક બાદ ચેરમેન સિદ્ઘાર્થ પટેલે નિવેદન આપતા કહ્યું કે, લોકસભાની ચૂંટણી માટે કોંગ્રેસ ગુજરાતમાં 500 સભાઓ કરશે, એક વિધાનસભા દીઠ ત્રણ જાહેરસભા યોજવાનું પણ આયોજન કરાયું છે. આ ઉપરાંત  મહિલાઓ અને યુવાનો માટે લોકસભાની ચૂંટણી અંગે કોંગ્રેસ વિશેષ કાર્યક્રમ યોજશે.

Related posts

ખંભાળિયા નગરપાલિકા દ્વારા રૂા.2.65 કરોડના ખર્ચે જૂદા જૂદા કામોનું ખાતમુહૂર્ત

Nawanagar Time

ગોપમાં ‘ખૂન કા બદલા ખૂન’: પેરોલ પર છૂટેલા નામચીન શખ્સની હત્યા

Nawanagar Time

જામજોધપુર વિજય વિશ્ર્વાસ સંમેલનમાં ભાજપની જીતની લહેર ઉઠી

Nawanagar Time

Leave a Comment