Nawanagar Time
સ્પોર્ટસ

ધોની:દિલ હે હિંદુસ્તાની, તિરંગાનું સાચવ્યું માન

dhoni-dil-ha-hindustani-trichangas-preserved-honor

ટીમ ઈન્ડિયાના સીનિયર બેટ્સમેન મહેન્દ્ર સિંહ ધોનીએ રવિવારે ફરી એકવાર બતાવ્યું કે ચેમ્પિયન તરીકે તેની શા માટે ઓળખ છે? મેદાન પર પોતાના કૂલ અંદાજ માટે ઓળખાતાં ધોની દરેક નાની વસ્તુઓનું ધ્યાન રાખે છે. રવિવારે ન્યૂઝીલેન્ડ સામે રમાયેલી ટી20 ઈન્ટરનેશનલ મેચમાં ફરી એકવાર તેણે આ વાતની સાબિતી આપી હતી. ધોનીએ મેદાન પર જે નિર્ણય લીધો તેની રમત પર ભલે કોઈ અસર પડી ન હોય પરંતુ ધોનીએ દરેક ભારતીયનું દિલ જીતી લીધું.

હેમિલ્ટનના મેદાન પર જ્યારે ટીમ ઈન્ડિયા ફીલ્ડિંગ કરી રહી હતી ત્યારે ધોનીનો એક ફેન મેદાન પર આવી ગયો હતો. આ દરમિયાન તે હાથમાં તિરંગો લઈને ઘૂંટણભેર ધોની પાસે બેસી ગયો. પોતાના ફેવરિટ પ્લેયરની આટલી નજીક પહોંચીને ફેન એટલો ભાવુક થઈ ગયો હતો કે તેણે હાથમાં તિરંગો લઈને જ ધોનીને પગે લાગવાની કોશિશ કરી હતી.

તેણે પોતાની ચપળતા બતાવતા ફેનના હાથમાંથી તિરંગો પોતાના હાથમાં લઈ લીધો હતો. જે પછી આ ફેન ધોનીને મળવાની ખુશીમાં દોડીને મેદાન બહાર ચાલ્યો ગયો હતો અને તિરંગો ધોની પાસે જ રહ્યો હતો. સોશ્યિલ મીડિયા પર ધોનીની આ ખાસ પળને ખૂબ જ પસંદ કરવામાં આવી રહી છે.

હેમિલ્ટન ટી20માં ધોની પોતાના ટી20 કરિયરની 300મી મેચ રમી રહ્યો હતો. તે ભારતનો પહેલો અને દુનિયાનો 12મો ખેલાડી એવો છે. જેણે 300થી વધુ ટી20 (ટી20 ઈન્ટરનેશનલ અને ટી20) મેચ રમી હોય. પોતાના ટી20 કરિયરમાં માહીએ 6136 રન બનાવ્યાં છે. તેની બેટિંગ એવરેજ 38.35ની રહી છે. જેમાં 24 હાફ સેન્ચ્યુરીનો સમાવેશ થાય છે.

Related posts

આપીએલ 2020નો 29 માર્ચથી થશે પ્રારંભ

Nawanagar Time

એથ્લેટીક મીટ સમારોહમાં ઘોડા દોડ, પફી માસ્કેટ કાર્યક્રમ આકર્ષણનું કેન્દ્ર બન્યા

Nawanagar Time

IPL-2020નો કાર્યક્રમ જાહેર: MI અને CSK વચ્ચે પ્રથમ ટક્કર

Nawanagar Time

Leave a Comment