Nawanagar Time
ધાર્મિક

જાણો ગંગાજળથી શા માટે નથી ફેલાતો રોગચાળો,શું છે તેનું કારણ?

learn-why-why-is-not-the-spread-of-pandemic-from-the-ganges-what-is-the-reason

ગંગાજળ છે ચમત્કારી?

ભારતમાં સદીઓથી લોકોના મનમાં ગંગાજળ પ્રત્યે આસ્થા રહેલી છે, પણ ઘણી વખત સવાલ ઉઠે છે કે કુંભ અને અન્ય સ્નાન પર્વોમાં કરોડો લોકોની ડૂબકી લગાવવા છતાં ગંગાજળથી રોગચાળો નથી ફેલાતો. આ વિષય પર દેશમાં ભલે ઓછા રિસર્ચ થયા હોય, પણ વિદેશીઓ આ દિવ્યતાનો સ્વીકાર કરે છે.

વિદેશમાં થયું છે રિસર્ચ

અમેરિકાની પત્રકાર જૂલિયન ક્રેન્ડલ હોલિકે પોતાના પુસ્તકમાં ગંગાજળના ઐતિહાસિક તથ્યોના આધાર પર એ સાબિત કર્યું છે કે, ગંગાજળ દિવ્ય જળ છે.

અકબર ગંગાનું પાણી પીતો હતો

હોલિકે લખ્યું છે કે, ગંગાજળમાં પોતાને શુદ્ધ કરવાની અદ્વિતિય તાકાત હોય છે. મુગલ બાદશાહ અકબર માત્ર ગંગાનું પાણી પીતા હતા. તેમના માટે ડ્રમોમાં ખાસ કરીને ગંગાજળ આગ્રા મંગાવવામાં આવતું હતું. 17મી સદીમાં ફ્રેન્ચ યાત્રી જીન બેપટિસ્ટે ભારત યાત્રા બાદ કહ્યું હતું કે ગંગાના પાણીમાં દવા જેવી તાકાત છે.

બેક્ટેરિયોફેઝ છે કારણ

બ્રિટિશ રાજ દરમિયાન ઘણી વખત વિદેશી વૈજ્ઞાનિકોએ હૈજા જેવી બીમારીઓથી મરેલા લોકોના મૃતદેહ ગંગામાં જોયા. જ્યારે આ શબોની થોડે નીચેથી ગંગાજળ લઈને લેબ ટેસ્ટ કરવામાં આવ્યા તો તેમાં બિલકુલ પણ હાનિકારક બેક્ટેરિયા નહોતા દેખાયા. કહેવાય છે કે, બેક્ટેરિયોફેઝલ નામના મિત્ર બેક્ટેરિયા ગંગાજળને સાફ રાખે છે. સ્નાન દરમિયાન લોકોના શરીરમાંથી નીકળનારા બેક્ટેરિયાને બેક્ટેરિયોફેઝ અમુક કલાકમાં ખતમ કરી દે છે. માટે સ્નાન પર્વો પર ક્યારેય ગંગાજળથી કોઈ રોગચાળો નથી ફેલાતો. ગંગાના કાચા પાણીમાં બેક્ટેરિયા 2-3 કલાકથી વધારે નથી રહેતા. ગંગા કિનારાના શહેરોમાં આજે પણ એવી દંતકથા સંભળાવવામાં આવે છે કે, ગંગાજળમાં નહાનારા લોકોની ગંભીર બીમારીઓ પણ દૂર થઈ જાય છે.

પૌરાણિક મહત્વ

વાયુપુરાણમાં પણ સાફ કહેવામાં આવ્યું છે કે, ગંગાજળમાં ક્યારેય કીડા નથી પડતા. સ્કંદપુરાણમાં પણ આ વાતનો ઉલ્લેખ કરવામાં આવ્યો છે કે ગંગાજળ વાસુ થાય તો પણ ખરાબ નથી થતું. એવું પણ માનવામાં આવે છે કે, પૃથ્વી સિવાય ગંગાજળના બે અન્ય પ્રવાહો આકાશગંગા અને પાતાળમાં છે. માટે તેને ત્રિપથગા વિશેષણથી નવાજવામાં આવે છે.

ધાર્મિક માન્યતાઓ

ગંગાજળની પવિત્રતાને લઈને એવી ધાર્મિક માન્યતાઓ પણ છે કે કુંભનો શુભ સંયોગ થવાથી ગંગાજળ અમૃત થઈ જાય છે. તેમાં સ્નાના કરવાથી દેહિક, દૈવિક અને ભૌતિક પાપ દૂર થઈ જાય છે. આજ માન્યતાના કારણે મૃત્યુ પામેલી વ્યક્તિ પર છાંટવા માટે ઘરોમાં ગંગાજળની લોટીઓ રાખવામાં આવે છે.

Related posts

ધર્મ અને ભક્તિના માર્ગે ચાલનાર લોકોની પ્રગતિ નિશ્ચિત જ હોય છે…

Nawanagar Time

અયોધ્યા કેસનો ચુકાદો ગમે તે ઘડીએ, 10,000 લોકો સીઆરપીસીની અંતર્ગત નજરકેદ

Nawanagar Time

જગન્નાથજીના મામેરામાં રૂ.50 હજારના વાઘા અને દોઢ કિલો સોનાનો હાર અર્પણ

Nawanagar Time

Leave a Comment