Nawanagar Time
અજબ-ગજબ

હવે એક કુતરું પણ ધરાવે છે આ યુનિવર્સિટીની ડિગ્રી,જાણો તેનું કારણ અને કઈ છે આ ડિગ્રી…

now-there-is-also-a-dog-the-degree-of-this-university-know-the-reason-and-what-is-this-degree
  • જ્યારે એક કુતરાને મળી ડીગ્રી

    અલ્બાની(અમેરિકા): બ્રિટની હાઉલેને જ્યારે પણ પોતાના ક્લાસમાં કોઈ વસ્તુની જરુરિયાત હોય ત્યારે તેનો સાથીદાર ડોગી હંમેશા હાજર રહેતો. જો બ્રિટનીને પોતાનો મોબાઇલ ન મળતો હોય અને શોધવો હોય તો તે પણ આ ડોગી શોધી આપતો હતો. ત્યાં સુધી કે બ્રિટની જ્યારે પોતાની ઇન્ટર્નશિપમાં દર્દીઓની મદદ કરતી હતી ત્યારે પણ આ ડોગી તેની સાથે સાથે જ રહેતો હતો.

  • માલિક સાથે ક્લાસથી લઈને હોસ્પિટલ દરેક જગ્યાએ સાથે રહેતો આ ડોગી

    ત્યાં સુધી કે જ્યારે શનિવારે ક્લાર્કસ યુનિવર્સિટીમાં ઓક્યુપેશન થેરાપીમાં માસ્ટર ડિગ્રી પૂરી કર્યા બાદ બ્રિટની જ્યારે પોતાની ડિપ્લોમા ડિગ્રી મેળવી રહી હતી ત્યારે પણ ગ્રિફિન નામનો આ કુતરો તેની સાથે હાજર હતો. બ્રિટનીએ સોમવારે જણાવ્યું હતું કે, ‘મારા ગ્રેજ્યુએશનના પહેલા દિવસથી ક્લાસમાં ગ્રિફિન હાજર રહેતો હતો અને મે જે પણ કર્યું તે બધુ જ તેણે પણ કર્યું.’

  • બ્રિટની ચાલી નથી શકતી માટે સાથે રાખે છે સર્વિસ ડોગી

    પોસ્ટડેમ ન્યૂયોર્ક સ્કૂલના બોર્ડ ટ્રસ્ટીએ શનિવારે ગોલ્ડન રીટ્રીવર જાતીનો 4 વર્ષીય આ ડોગીને સન્માનિત કરતા કહ્યું કે, ‘બ્રિટનીની સફળતામાં આ ડોગીનું પણ યોગદાન છે. તે પ્રત્યેક સમયે તેની સાથે જ રહેતો હતો અને તેને ખુબ મદદરુપ પણ થતો હતો.’ જુદી જુદી શારીરિક સમસ્યાઓ સામે લડી રહેલા લોકોને મદદરુપ થતા આવા પ્રશિક્ષિત ડોગીને સર્વિસ ડોગી કહેવાય છે. ઉત્તર કેરોલિનાની રહેવાસી બ્રિટની હાઉલેને ક્રોનિક પેઇનની સમસ્યા છે. જેના કારણ તે ચાલી શકતી નથી અને વ્હીલચેરના સહારે છે.

  • નાના-મોટા દરેક કામ કરે છે ડોગી

    તેણે કહ્યું કે, ‘ગ્રિફિન દરવાજો ખોલવો, લાઇટ ઓન કરવી અને બીજા પણ ઈશારાઓને સમજીને તે કામ પુરુ કરી દે છે. ભલે ગ્રિફિનનું કામ કેટલાક લોકોને બહુ મોટું ન લાગે પણ જ્યારે હું ક્રોનિક પેઇનના ભયંકર દુખાવાથી પીડાઉં છું ત્યારે તે મારા માટે ખૂબ મહત્વપૂર્ણ ભૂમિકા છે.’ હાઉલે અને ગ્રિફિને નોર્થ કેરોલિનાના ફોર્ટ બ્રાગ ખાતે ઇન્ટર્નશિપ દરમિયાન કામ કર્યું હતું. આ દરમિયાન તેણે હલનચલનમાં તકલીફ પડતી હોય તેવા સૈનિકો અને જરુરિયાતમંદો માટે કામ કર્યું હતું.

Related posts

હવે ઉનાળામાં આવતો દુર્ગંધયુકત પરસેવો સુગંધી બની જશે!

Nawanagar Time

એક કિલો ચાની ભૂક્કીની કિંમત રૂા.75 હજાર!

Nawanagar Time

સતત 118 વર્ષથી બળી રહ્યો છે આ બલ્બ

Nawanagar Time

Leave a Comment