Nawanagar Time
ધાર્મિક

ઉત્તરાયણ પર ભગવાનને ખીચડી ચડાવતા હશો,શું તમે જાણો છો આની પાછળનું કારણ?જાણો…

on-the-other-hand-you-will-be-able-to-blame-god-on-uttaran

મકર સંક્રાંતિએ કેમ ખવાય છે ખીચડી?

મકર સંક્રાંતિ એટલે કે ઉત્તરાયણના દિવસે શાસ્ત્રોમાં દાન, સ્નાન અને ધ્યાનનું મહત્વ દર્શાવવામાં આવ્યું છે. આ દિવસે સૂર્ય મકર રાશિમાં પ્રવેશ કરે છે. ઉત્તરાયણના દિવસે ભગવાન સૂર્યને ખીચડીનો પ્રસાદ ધરાવવામાં આવે છે. સાથે જ તલ-ગોળના લાડવા, રેવડી પણ પ્રસાદરૂપે વહેંચાય છે. પરંતુ કદી વિચાર આવ્યો કે તહેવારોના દિવસોમાં ઘરે ખીચડી નથી બનતી તો મકર સંક્રાંતિએ કેમ ખવાય છે? આગળ વાંચો, મકર સંક્રાંતિ અને ખીચડી સાથે જોડાયેલી રસપ્રદ કથા.

બાબા ગોરખનાથ સાથે સંબંધ

on-the-other-hand-you-will-be-able-to-blame-god-on-uttaran
on-the-other-hand-you-will-be-able-to-blame-god-on-uttaran

મકર સંક્રાંતિ પર ખીચડી ખાવાની પરંપરા પાછળ ભગવાન શિવનો અવતાર ગણાતા બાબા ગોરખનાથની વાર્તા છે. ખિલજીના આક્રમણ વખતે નાથ યોગીઓને ખિલજી સાથે સંઘર્ષના લીધે ભોજન બનાવવાનો સમય નહોતો મળતો. જેના કારણે યોગી ભૂખ્યા રહી જતા અને શરીરમાં નબળાઈ આવતી હતી. આ સમસ્યાનું સમાધાન લાવવા માટે બાબા ગોરખનાથે દાળ, ચોખા અને શાકને એકસાથે રાંધવાની સલાહ આપી. આ વ્યંજન પૌષ્ટિક, સ્વાદિષ્ટ અને ફટાફટ તૈયાર થઈ જતું.

બાબા ગોરખનાથે પાડ્યું ખીચડી નામ
આ વાનગી ખાવાથી શરીરને તરત જ ઉર્જા મળતી હતી. નાથ યોગીઓને આ વ્યંજન ખૂબ પસંદ આવ્યું. બાબા ગોરખનાથે આ વ્યંજનનું નામ ખીચડી રાખ્યું. ગોરખપુર સ્થિત બાબા ગોરખનાથના મંદિર પાસે મકર સંક્રાતિના દિવસે ખીચડી મેળાનો આરંભ થાય છે. ઘણા દિવસો સુધી ચાલતા આ મેળામાં બાબા ગોરખનાથને ખીચડીનો પ્રસાદ ધરાવાય છે અને પ્રસાદરૂપે પણ વહેંચાય છે.

ખીચડી ખાવાનું સામાજિક કારણ
મકર સંક્રાંતિ પર ખીચડી ખાવાની પરંપરા પાછળ વૈજ્ઞાનિક અને સામાજિક કારણ પણ છે. ભારત કૃષિ પ્રધાન દેશ છે અને ખેતીનો આધાર સૂર્યને માનવામાં આવે છે. મકર સંક્રાંતિની આસપાસ અનાજનો પાક તૈયાર થઈ જાય છે. ઘરમાં નવો પાક ઉપયોગમાં લેતા પહેલા સૂર્યદેવને ધરાવવામાં આવે છે. આ સામાજિક પરંપરા સદીઓથી ચાલી આવે છે. ગીતામાં શ્રીકૃષ્ણએ કહ્યું છે કે, જે મને અર્પણ કર્યા વિના અન્ન ગ્રહણ કરે છે તે ચોર છે. આ ધાર્મિક માન્યતાને કારણે પણ મકર સંક્રાંતિએ અડદની દાળ અને ચોખાથી ખીચડી બનાવાય છે અને દેવતાઓને ધરાવાય છે.

વૈજ્ઞાનિક કારણ
મકર સંક્રાંતિ પર ખીચડી ખાવાનું વૈજ્ઞાનિક કારણ છે કે આ સમયગાળા દરમિયાન ઠંડી પડે છે. શિયાળામાં ઠંડીથી રાહત મેળવવા અને શરીરને તાત્કાલિક ઉર્જા પૂરી પાડવા માટે ખીચડીને ઉત્તમ માનવામાં આવી છે. ચોખા અને દાળની સાથે વિવિધ પ્રકારના શાકભાજી પણ ઉમેરવામાં આવે છે. એટલે ખીચડીની તાસીર ગરમ હોય છે.

ગ્રહોની સ્થિતિ મજબૂત થાય
આ સિવાય ચોખાને ચંદ્રનું પ્રતીક માનવામાં આવે છે અને અડદની દાળને શનિનું. લીલા શાકનો સંબંધ બુધ સાથે છે. માન્યતા છે કે ખીચડીની ગરમી મંગળ અને સૂર્ય સાથે જોડાયેલી છે. એટલે મકરસંક્રાંતિએ ખીચડી ખાવાથી રાશિમાં ગ્રહોની સ્થિતિ મજબૂત હોય છે. કહેવાય છે કે, આ દિવસે નવા અનાજની ખીચડી ખાવાથી આખું વર્ષ આરોગ્ય પ્રાપ્ત થાય છે.

Related posts

જગન્નાથજીના મામેરામાં રૂ.50 હજારના વાઘા અને દોઢ કિલો સોનાનો હાર અર્પણ

Nawanagar Time

આ મંત્રથી થશે ધનનો વરસાદ, ક્યારેય નહીં ખૂટે પૈસા

Nawanagar Time

ગુરૂવારે અષાઢી બીજ, અમદાવાદમાંથી નીકળશે જગન્નાથજીની 142મી રથયાત્રા

Nawanagar Time

Leave a Comment