Nawanagar Time
ટેક્નોલૉજી

PUBGએ ચીટિંગ કરનારા પ્લેયર્સ પર રમવા માટે મૂક્યો પ્રતિબંધ…

pubg-banned-to-play-on-cheating-players

PUBGમાં હેકિંગનો ઉપયોગ

PUBG હાલમાં ઓનલાઈન ગેમિંગની દુનિયામાં ખૂબ જ લોકપ્રિય છે. ગેમની દિવાનગી એ હદ સુધી વધી ગઈ છે કે દુનિયાભરમાં રોજ 3 કરોડ યુઝર આ ગેમ રહે છે. PUBG દુનિયાની પહેલી એવી ઓનલાઈન મલ્ટીપ્લેયર બેટલ ગેમ છે જેને લોકો આટલું પસંદ કરી રહ્યા છે. તેના રોમાંચને અલગ સ્તર સુધી પહોંચાડવા માટે PUBGએ હવે ટૂર્નામેન્ટ્સનું પણ આયોજન કરવાનું શરૂ કરી દીધું છે. હાલના દિવસોમાં PUBG અને તેના દ્વારા આયોજિત કરાનારી ટૂર્નામેન્ટની લોકપ્રિયતા વધવા સાથે આ ગેમમાં પ્લેયર્સ દ્વારા હેક્સનો પણ ઉપયોગ વધ્યો છે.

હેકિંગને રોકવા કંપનીએ લીધો નિર્ણય

હકીકતમાં હેક દ્વારા પ્લેયર્સ ગેમમાં લૂપહોલ કાઢે છે અને પોતાની ગેમને સરળ બનાવીને જીતી શકે છે. તેમાંથી એક હેક છે રડાર હેક. RADAR HACKની મદદથી પ્લેયર્સને સરળતાથી લોકેટ કરી શકાય છે. PUBGને જેવી આ વાતની ખબર પડી કે પ્લેયર્સ ગેમ જીતવા માટે હેકનો ઉપયોગ કરે છે, તો તેમણે Tencent Games અને PUBG Corp. હેકિંગને રોકવાનો નિર્ણય કર્યો.

પાછલા વર્ષ 30,000 પ્લેયર્સ પર મૂકાયો પ્રતિબંધ

હેકિંગ વિરુદ્ધ લોકોને ચેતવણી આપતા PUBGએ ડિસેમ્કબ 2018માં 30,000 પ્રોફેશનલ પ્લેયર્સ પર પ્રતિબંધ મૂક્યો હતો. આ બધા પ્લેયર્સ ગેમ જીતવા માટે રડાર હેકનો ઉપયોગ કરી રહ્યા હતા. આટલું જ નહીં PUBG Esportsએ આ પ્લેયર્સ અને ટીમના નામને સાર્વજનિક કરી દિધા છે જેઓ PUBG European Leagueમાં ચીટિંગ કરી રહ્યા હતા.

આ અઠવાડિયે 12 પ્લેયર્સ પર મૂક્યો પ્રતિબંધ

આ અઠવાડિયે પણ PUBGએ 12 પ્રોફેશનલ પ્લેયર્સમાંથી 6 પ્લેયર્સ પર 3 વર્ષનો પ્રતિબંધ મૂક્યો છે, જ્યારે વધુ 6 નોન-કોમ્પિટેટિવ પ્લેયર્સ પર 2 વર્ષનો પ્રતિબંધ મૂકી દીધો છે. બાકીના બે પ્લેયર્સ જેઓ ગેમમાં થતી ચીટિંગ જાણવા છતાં ટીમમાં રહેતા તેમને પણ 3 વર્ષ સુધી પ્રતિબંધિત કરાયા છે. આ પ્લેયર્સ હાલમાં ચાલી રહેલી PUBG European Leagueમાં ચીટિંગ કરી રહ્યા હતા. જોકે આ પ્લેયર્સ જે ટીમ્સમાં હતા તેમના પર પ્રતિબંધ નથી મૂકાયો. PUBGએ જણાવ્યું કે પ્લેયર્સ હેકનો ઉપયોગ કરી બીજા પ્લેયર્સના મુકાબલે વધારાનો ફાયદો લેવા કરે છે. જોકે PUBG Corp.એ કહ્યું કે તેઓ તેને રોકવા માટે જરૂરી પગલા ભરી રહ્યા છે.

12માંથી 10 પ્લેયર્સ ચીટિંગ કરવામાં દોષી

જણાવી દઈએ કે PUBGએ જે 12 પ્લેયર્સ પર આ અઠવાડિયે પ્રતિબંધ લગાવ્યો છે તેમાંથી 10 ચીટિંગ કરતા દોષી સાબિત થયા છે. જ્યારે બાકીના બે પ્લેયર્સને ખોટી રીતે ગેમ રમવાની જાણ હોવા છતા ટીમ સાથે જોડાયેલા રહેવાના મામલે દોષી સાબિત થયા છે.

Related posts

પૈસા કરતાં પણ કિંમતી ડેટા સુરક્ષિત રાખવા સ્માર્ટ પાસવર્ડ બનાવો

Nawanagar Time

1લી ફેબ્રુ.થી ડીટીએચ-કેબલ ઓપરેટરોની મનમાની બંધ

Nawanagar Time

ટિકટોક પર વાયરલ થવા માટે વ્યાવસાયિક તાલીમ મળે છે, એક મહિનાની ફી ₹ 7000

Nawanagar Time

Leave a Comment