Nawanagar Time
ટેક્નોલૉજી

આખો દિવસ PUBG ગેમ રમતો ફિટનેસ ટ્રેનર થયો પાગલ,તેને કરાયો હોસ્પિટલમાં દાખલ…

pubg-game-crazy-day-in-sports-fitness-trainer-was-admitted-to-the-hospital

PUBGની લતથી યુવક થયો પાગલ

કોઈપણ વસ્તુનું અતિશય પ્રમાણ નુકસાન કારક નિવડે છે. કોઈપણ વસ્તુની ખરાબ આદત નુકસાન કારક હોય છે. ગેમિંગની વાત કરીએ તો હાલમાં દેશ અને દુનિયાના મોટા ભાગના યુવાનોમાં PUBG ગેમની લત જોવા મળે છે. પરંતુ જમ્મુમાં એક ફિટનેસ ટ્રેનરે 10 દિવસ સુધી PUBG ગેમ રમ્યા બાદ પોતાનું માનસિક સંતુલન ગુમાવી દીધું. આ ગેમ રિલીઝ થઈ ત્યારથી જ લોકપ્રિય બની ગઈ છે. PUBG મોબાઈલ દ્વારા સતત નવા ફીચર્સથી તેને અપડેટ કરવામાં આવી રહી છે, જે કારણે કોઈને પણ તેની લત લાગી શકે છે.

ફિટનેસ ટ્રેનરને હોસ્પિટલમાં એડમિટ કરાય

UNIની રિપોર્ટ મુજબ જમ્મુમાં ફિટનેસ ટ્રેનરને PUBG મોબાઈલ ગેમની એટલી લત પડી ગઈ કે તેણે પોતાની જાતને જ ઈજાગ્રસ્ત કરી નાખ્યો. હાલમાં તે હોસ્પિટલમાં છે. રિપોર્ટમાં ઉલ્લેખ કરાયા મુજબ ઓનલાઈન ગેમિંગના કારણે તેનું માનસિક સંતુલન ખરાબ થઈ ગયું. છે. જોકે આ પહેલો કિસ્સો નથી. આ પહેલા જમ્મુમાં આ પ્રકારના 6 કિસ્સા સામે આવી ચૂક્યા છે.

માત્ર 10 જ દિવસમાં ગેમની લત પડી ગઈ

ફિટનેસ ટ્રેનરને 10 દિવસમાં જ PUBG ગેમ રમવાની લત પડી ગઈ. તે ગેમમાં મિશન પાર કર્યા બાદ પોતાની જાતને જ મારવા લાગ્યો, આમ ઈજાગ્રસ્ત થવાના કારણે તેને હોસ્પિટલમાં એડમિટ કરવામાં આવ્યો છે. ડોક્ટરોએ જણાવ્યું કે, હાલમાં દર્દીની સ્થિતિ નાજુક છે અને તેને માનસિક સંતુલન ગુમાવી દીધું છે.

લોકોએ ગેમ પર પ્રતિબંધની માગણી કરી

ડોક્ટરે જણાવ્યું કે દર્દી લોકોને ઓળખી શકે છે પરંતુ તેનું મગજ હતુ જાગૃત અવસ્થામાં નથી. તે હજુ પણ PUBG ગેમની ઈફેક્ટ હેઠળ જીવી રહ્યો છે. આ કિસ્સાને જોતા જમ્મુના સ્થાનિક લોકોએ જમ્મુ અને કાશ્મીરના ગવર્નર સત્યપાલ મલિક સમક્ષ આ પ્રકારની ભયનજક ગેમ પર રાજ્ય અને દેશમાં પ્રતિબંધ મૂકવાની માગણી કરી છે.

 

Related posts

કોરોનાગ્રસ્તના છાતીના નિદાન માટે જી.જી.માં અદ્યતન એક્સ-રે મશીન ઈન્સ્ટોલ

Nawanagar Time

લ્યો, હવે બજારમાં આવશે સ્માર્ટ માસ્ક!

Nawanagar Time

Facebook Messengerમાં આવ્યું Dark Mode ફીચર, જાણો કઇ રીતે કરશો એક્ટિવ

Nawanagar Time

Leave a Comment