Nawanagar Time
હેલ્થ ટીપ્સ

સ્લીપ પેરાલિસિસ એટલેકે ઊંઘમાં લકવા લગતી બીમારીથી બચવા આટલું કરો..

sleep-paralysis-means-to-avoid-sleep-disorders

સ્લીપ પેરાલિસિસ

સ્લીપ પેરાલિસિસ એટલે એવી સ્થિતિ જેમાં મગજ અને શરીર વચ્ચે તાલમેલ રહેતો નથી. આ સ્થિતિ લકવાની જેમ શરીરને થોડી ક્ષણો માટે શિથિલ બનાવી દે છે. જો કે આ અવસ્થા 5થી 15 સેકંડ સુધી રહે છે. આ દરમિયાન મગજ તો એક્ટિવ જ હોય છે. માત્ર શરીર હલનચલન નથી કરતું. ઘણીવખત વ્યક્તિ હલનચલનની સાથે બોલવાની ક્ષમતા પણ ગુમાવે છે. સ્લીપ પેરાલિસિસની સ્થિતિમાં ઊંઘમાંથી ઊઠ્યા બાદ શરીરમાં બળ રહેતું નથી. મગજને શરીરનું સિગ્નલ મળતું નથી. જેના કારણે શરીરનું કોઈપણ અંગ હલતું નથી.

જીવલેણ નથી પણ ગંભીર સમસ્યાઓ થઈ શકે

કેટલાક લોકોને આ સ્થિતિમાં શ્વાસ રુંધાવાનો અનુભવ થાય છે. અમુક કેસમાં આ તકલીફ સાથે નાર્કોલેપ્સી જેવા ઊંઘ સંબંધિત ડિસઓર્ડર પણ થાય છે. આમ તો સ્લીપ પેરાલિસિસ જીવલેણ નથી પરંતુ જૂજ કિસ્સાઓમાં ગંભીર મનોવૈજ્ઞાનિક સમસ્યાઓનું કારણ બની શકે છે.

કેમ નથી હલતું શરીર?

ઊંઘ બે તબક્કામાં હોય છે. એક નોન રેપિડ આઈ મૂવમેન્ટ (NREM) અને બીજી રેપિડ આઈ મૂવમેન્ટ (REM). જ્યારે બીજા તબક્કામાં પહોંચો છો ત્યારે ગાઢ નિંદ્રામાં હો છો સાથે જ આંખો ઝડપથી મૂવમેન્ટ કરે છે. આ દરમિયાન મગજ શરીરને શિથિલ કરી દે છે. જેથી ગાઢ ઊંઘમાં તમે સપનામાં જોયેલી વસ્તુઓની કોઈ પ્રતિક્રિયા ન આપો. ઘણી વાર થોડી સેકંડ માટે ઊંઘ ઊડી જાય છે પરંતુ શરીર શિથિલ રહે છે. આ દરમિયાન ઘણી વાર લોકોને મતિભ્રમ થાય છે. તેઓ ભૂત કે અન્ય એવી વસ્તુઓ જોયાની વાત કરે છે જેનું કોઈ અસ્તિત્વ નથી.

કેવી રીતે કરશો કંટ્રોલ?

  • સ્લીપ પેરાલિસિસ ખતરનાક નથી પરંતુ લાંબા સમય સુધી રહેવાથી નુકસાન થાય છે. સ્લીપ પેરાલિસિસ પર નિયંત્રણ મેળવવા માટે આરામદાયક અને ગાઢ નિંદ્રા લો.
  • તણાવ, ડિપ્રેશન અને સ્ટ્રેસના કારણે સ્લીપ પેરાલિસિસની સમસ્યા થઈ શકે છે. એટલે તણાવ-ડિપ્રેશનથી જેટલું અંતર રાખો તેટલો ફાયદો થશે. ઊંઘથી વખતે ટીવી, લેપટોપ અને મોબાઈલનો ઉપયોગ ટાળો.
  • શરૂઆતમાં 5-10 મિનિટ મેડિટેશન કરો. ધીમે-ધીમે સમય વધારીને 20-30 મિનિટ સુધી મેડિટેશન કરવું. રોજ મેડિટેશન કરવાથી સ્લીપ પેરાલિસિસથી બચી શકશો.
  • ડૉક્ટરના સંપર્કમાં રહેવું.

સ્લીપ પેરાલિસિસના કારણો

સ્લીપ પેરાલિસિસ ડ્રગ્સ, આલ્કોહોલના સેવન અને ઓછી ઊઘ લેવાથી થાય છે. આ સિવાય ટેન્શન, ચિંતા, ઊંઘનો અનિયમિત સમય, વધુ પડતી ઊંઘ પણ આ માટે જવાબદાર છે. લાઈફસ્ટાઈલમાં ફેરફાર અને આનુવાંશિક કારણોસર પણ સ્લીપ પેરાલિસિસ થઈ શકે છે.

નોંધ: આ માહિતી ફક્ત જાણકારી માટે છે. કોઈપણ બીમારીમાં ડૉક્ટર જ યોગ્ય સલાહ આપી શકે છે.

Related posts

મુખ્યમંત્રી રાહત ફંડમાં હાર્ટ અને લંગ્ઝ ટ્રાન્સપ્લાન્ટ માટે 10 લાખની સહાય

Nawanagar Time

પનીરના આ ફાયદાઓ જોઈને તમે થઈ જશો ચકીત.

Nawanagar Time

આ કારણોથી થાય છે સૌથી વધુ કેન્સર નું વધુ જોખમ ,જાણો તેથી બચવાના ઉપાયો…

Nawanagar Time

Leave a Comment