Nawanagar Time
ગુજરાત જામનગર

અનોખો સેવા યજ્ઞ એનિવર્સરીએ 13 દિકરીઓને સાસરે વળાવી

the-unique-service-yagna-anniversary-has-shown-the-courage-of-13-daughters

શિવધારા ટ્રસ્ટના પ્રમુખે સતત ત્રીજી વખત સમૂહ લગ્નોત્સવ થકી સમાજને ઉત્કૃષ્ટ ઉદાહરણ પાડયું

જામનગર:-પોતાની મેરેજ એનિવર્સરીને મોંઘીદાટ હોટેલો અથવા રીસોર્ટમાં ઉજવનારા ઘણાં લોકો જોવા મળે છે પરંતુ જામનગરના એક યુગલે પોતાની મેરેજ એનિવર્સરીના દિવસે 13 દિકરીઓને સાસરે વળાવી ઉજવણી માટેનો નવો ચિલો ચાતર્યો છે. સાસરે વળાવાની સાથોસાથ આ યુગલે દિકરીઓને સોના-ચાંદીના ઘરેણાં તેમજ ઘરવખરી ભેટમાં આપી છે.

આ ઉદાહરણ જામનગરના  ટ્રસ્ટના પ્રમુખ રમેશભાઇ પટેલ અને તેમના પત્ની દ્વારા પુરૂ પાડવામાં આવ્યું છે. શિવધારા ટ્રસ્ટના રમેશભાઇ છેલ્લા ત્રણ વર્ષથી પોતાની લગ્ન તિથી પ્રસંગે જરૂરિયાતમંદ પરિવારોની દિકરીઓના લગ્ન કરાવે છે. આ વર્ષે પણ તા.9ના રોજ 13 યુગલોનો સમુહ લગ્નોત્સવ ઉજવીને પોતાની મેરેજ એનિવર્સરીને યાદગાર બનાવી હતી. નોંધનીય છે કે શિવધારા ટ્રસ્ટ  સેવાકિય પ્રવૃતિઓનો ધોધ અવિરત વહેતો રહે છે. શિક્ષણ માટે વિદ્યાર્થીઓને ચોપડા, નોટબુકનું વિતરણ સહિતની કામગીરી ટ્રસ્ટ દ્વારા કરવામાં આવે છે. તહેવારોમાં વૃઘ્ધોને ભોજન અને કપડાનું વિતરણ પણ થાય છે.

દરમિયાન તા.9ના રોજ જામનગર સમાણા હાઇવે ગંગાવાવ આશ્રમ સામે મોટી વેરાવળ, લાલપુર ખાતે 13 નવયુગલોના લગ્ન કરાવી શિવધારા ટ્રસ્ટના રમેશભાઇએ  ઉત્કૃષ્ટ ઉદાહરણ પુરૂ પાડયું હતું.

Related posts

જામનગરના લાંચિયા બાબુઓ વિરૂદ્ધ પુરાવા મજબૂત કરવા વૉઈસ સ્પેકટ્રોગ્રાફી થશે

Nawanagar Time

બોગસ ડ્રાઇવિંગ લાયસન્સ કૌભાંડના મૂળિયા જામનગરમાં

Nawanagar Time

ગેરકાયદેસર બાંધકામને નહીં ચલાવી લેવામાં આવેઃ કોર્ટ

Nawanagar Time

Leave a Comment