Nawanagar Time
અજબ-ગજબ

આ મકોડાનો એક ડંખ છે જીવલેણ,જાણો આ મકોડા વિશે અને તેનું નામ…

there-is-a-bite-of-this-scarf-fatal-know-about-this-macro-and-its-name
  • એક ડંખ જીવ પણ લઈ શકે છે

કીડી કે મકોડા દેખાતા ભલે સાવ નાના હોય, પરંતુ તે કરડે ત્યારે ભલભલાને દિવસે તારા દેખાઈ જતા હોય છે. તેમાંય માત્ર ઓસ્ટ્રેલિયામાં જોવા મળતા બુલડોગ આન્ટની ગણના દુનિયાના સૌથી ભયાનક મકોડામાં થાય છે. 8 એમએમથી 40 એમએમની સાઈઝ ધરાવતા આ મકોડાનો ડંખ એટલો ખતરનાક હોય છે કે, તે માણસને પણ કરડે તો સ્કીન એલર્જી થવાના અને મરવાના પણ ચાન્સ છે.

  • જેની પાછળ પડી જાય તેને છોડતા નથી

આ મકોડા કોઈ કરચલા જેવા ડંખ ધરાવે છે, તે જો એક વાર તમને કરડી લે તો તેને શરીર પરથી છોડાવા પણ મુશ્કેલ છે. એટલું જ નહીં, આ મકોડાં જેને પણ બચકું ભરે તેના શરીરમાં ઝેર પણ છોડે છે. જેના કારણે તેનો શિકાર તડપી-તડપીને મોતને ભેટે છે. બુલડોગ મકોડા પાછા હોય છે પણ ખૂબ જ ગુસ્સાવાળા સ્વભાવના. હંમેશા એલર્ટ રહેતા આ મકોડાં પોતાને છંછેડનારાને ક્યારેય નથી છોડતા.

  • હંમેશા રહે છે એલર્ટ

બુલડોગ આન્ટ હંમેશા એલર્ટ રહે છે. પોતાના પર અટેક કરનારાને ગમે ત્યારે પાડી દેવા તેઓ તૈયાર જ હોય છે. મોટા જાનવરો પણ તેમનાથી દૂર જ રહેવાનું પસંદ કરે છે. આ મકોડાની માદાઓ તેમના માળામાં (વિશાળ દર) કામદારનો રોલ નીભાવે છે, જ્યારે નર મકોડા રક્ષણ કરવાનું કામ કરે છે.

  • ખૂબ જ હોશિયાર મકોડા

બુલડોગ મકોડા જેટલા હિંસક છે તેટલા જ હોશિયાર પણ. પોતાના માળાને દુશ્મનથી બચાવવા માટે તેઓ હંમેશા તેની આસપાસ પોતાની લાળથી માટીની નાની-નાની ગોળી બનાવી તેને ફેંકતા રહે છે. જો માળા પર હુમલો થાય તો માળાની રાણી એવા ખૂણામાં દોડી જાય છે કે તેના સુધી પહોંચવું કોઈના પણ માટે અઘરું થઈ પડે.

  • રાણીને પણ કરવું પડે છે કામ

અન્ય પ્રજાતિઓના કીડી-મકોડાની જેમ બુલડોગ મકોડા ટીમમાં કામ કરવાને બદલે પોતાનું કામ અલગ-અલગ રીતે કરે છે. ત્યાં સુધી કે તેમની રાણીને પણ પોતાના કામ જાતે કરવા પડે છે. તેમના દર પણ એવી રીતે બનાવાયેલા હોય છે કે તેમાં એકથી વધુ એન્ટ્રી અને એક્ઝિટ પોઈન્ટ હોય છે. જો કોઈ દરમાં ઘૂસી જાય તો આ મકોડા બીજી જગ્યાઓએથી બહાર નીકળી દુશ્મન પર પાછળથી હુમલો કરી નાખે છે.

  • રાત્રે કરે છે શિકાર

જ્યારે આ મકોડા શિકાર કરે છે ત્યારે શિકારને મોટી સંખ્યામાં ઘેરી વળે છે, અને તેના પેટ પર અસંખ્ય ડંખ મારીને ઝેર છોડી શિકારને પતાવી દે છે. આ મકોડા ઉનાળાની રાતોમાં ખૂબ જ સક્રીય હોય છે, જ્યારે શિયાળામાં તેઓ ઠંડીના સમયમાં આરામ કરવાનું જ પસંદ કરે છે.

  • પોતાને હંમેશા સાફ રાખે છે

લાલચટાક દેખાતા બુલડોગ મકોડા જમ્યા સિવાયનો મોટાભાગનો સમય પોતાની જાતને સાફસુથરી રાખવામાં જ પસાર કરતા હોય છે. તેઓ પોતાના એન્ટેના તેમજ પગને હંમેશા સાફ કર્યા કરતા હોય છે. આ મકોડા આમ તો મોટાભાગે ફળ, ફુલના રસ, વિવિધ પ્રકારની ફુગ ખાઈને જીવતા હોય છે, પરંતુ તેઓ ક્યારેક નાની જીવાતોનો પણ શિકાર કરી નાખે છે.

  • દૂરથી જ ખતરો પામી જાય છે

બુલડોગ મકોડાની જોવાની ક્ષમતા અન્ય મકોડા કરતા ઘણી વધારે હોય છે. તેઓ 1 મીટર દૂરથી જ દુશ્મનને જોઈ શકે છે. લવિંગ જેવા દેખાતા તેમના એન્ટેના તેમને ખોરાક શોધવામાં તેમજ ખતરો પામવામાં ઘણી મદદ કરે છે. તેમને જડબાની બે જોડ હોય છે. બહારના જડબા શિકારને પકડવા, જ્યારે અંદરના જડબા ખોરાક ચાવવાનું કામ કરે છે.

  • આ રીતે કરે છે પ્રજન

વર્ષના ચોક્કસ સમયમાં આ મકોડાને પાંખો ફૂટે છે. જ્યારે યુવા રાણી સંભોગ માટે તૈયાર થઈ જાય છે, ત્યારે તે ઉડે છે, અને નરને શોધે છે. પાંખ ધરાવતો નર અને રાણી હવમાં ઉડતા-ઉડતા જ પ્રજનન કરે છે, અને પ્રજનન કરી લીધા બાદ નરનું ત્યાં જ મોત થાય છે. પ્રજનન કરી લીધા બાદ માદાની પાંખો ખરી પડે છે, અને તે નાના-નાના ખાડામાં ઈંડા મૂકે છે. રાણી આખી જિંદગી ઈંડા મૂકતી રહે છે.

  • મોટાભાગે શાકાહારી હોય છે

બુલડોગ મકોડાનું જીવન ચાર તબક્કામાં વહેંચાયેલું છે. જે ઈંડા ફર્ટિલાઈઝ થાય તેમાંથી માદા, જ્યારે ફર્ટિલાઈઝ ન થયેલા ઈંડામાંથી નર મકોડા બહાર આવે છે. રાણી બચ્ચા માટે ખોરાક શોધવા રાત્રે નીકળે છે. આ સિવાય માળાના અન્ય મકોડા પણ સાથીઓ માટે ફળો કે ફુલોનો રસ લાવે છે. બુલડોગ મકોડાની કેટલીક પ્રજાતિમાં રાણી અન્ય માળા પર હુમલો કરી તેની રાણીને મારી નાખી માળા પર કબજો જમાવી લે છે.

  • બેથી અઢી મહિનાનું જીવન

આ મકોડાનું જીવન માત્ર બે થી અઢી મહિનાનું હોય છે. જોકે, રાણી ક્યારેક વર્ષો સુધી જીવતી હોય છે. તેમના સૌથી મોટા દુશ્મન છે અન્ય પ્રજાતિના મકોડા, કરોળિયા, પક્ષીઓ તેમજ કેટલીક પ્રજાતિના અન્ય કીડી-મકોડા. આ મકોડાને પણ વિલુપ્ત થતી પ્રજાતિમાં સામેલ કરવામાં આવ્યા છે, જોકે તેમના સંરક્ષણ માટે કોઈ પગલાં નથી લેવાયા.

Related posts

ક્યારેક અપશબ્દો પણ પીડા ઘટાડવામાં મદદગાર

Nawanagar Time

ભારત માતાનો સપૂત મૃત્યુ બાદ પણ સરહદની કરે છે રક્ષા

Nawanagar Time

છ વર્ષ લાંબુ લૉકડાઉન ભાગ-1

Nawanagar Time

Leave a Comment