Nawanagar Time
ધાર્મિક

હનુમાનજીના આ ચમત્કારિક મંદિરમાં એકવાર દર્શનથી કરવાથી થશે મોટા લાભો.

this-miraculous-temple-of-hanumanji-will-once-again-be-a-big-benefit-from-darshan
  1. ધાર્મિક સ્થળોનું મહત્વ

    આપણ દેશમાં ઘણા બધા એવા ધાર્મિક સ્થળો છે જે માન્યતાઓના આધારે બન્યાં છે. કેટલાકનું તો ઐતિહાસિક મહત્વ પણ ખૂબ છે, પરંતુ કેટલાક ધાર્મિક સ્થળો એવા પણ છે જેની પાછળ કોઈ ચોક્કસ ઈતિહાસ નથી હોતો છતા તેનું મહત્વ દિવસે ને દિવસે વધતુ જાય છે.

  2. ઉજ્જૈનનું હનુમાન મંદિર

    આવું જ એક સ્થળ છે ઉજ્જૈનમાં આવેલું હનુમાનજીનું મંદિર. આ છે ઉજ્જૈનનું અખંડ જ્યોતિ મંદિર, જેને બનાવનો હેતુ માત્ર હનુમાનજીની કૃપા મેળવવાનો જ હતો. પરંતુ વર્ષોથી અહીં થયેલી ચમત્કારી ઘટનાઓએ લોકોનો આ મંદિર પ્રત્યેનો વિશ્વાસ વધારી દીધો છે.

  3. હનુમાનજીના ચમત્કાર માટે જાણીતું

    ઉજ્જૈનનું અખંડ જ્યોતિ મંદિર હનુમાનજીના ચમત્કારને કારણે જાણીતું છે. અહીં ભક્તિને હનુમાનજીની વિશેષ મૂર્તિના દર્શન થાય છે, આવી મૂર્તિ તમને દરેક જગ્યાએ જોવા નહીં મળે. અહીં હનુમાનજીની સિંદૂરી પ્રતિમા સ્થાપિત છે. આ મૂર્તિમાં હનુમાનજીએ એક રાક્ષસીને દબાવી રાખી છે. કહેવામાં આવે છે કે, હનુમાનજી જ્યારે સંજીવની લઈને આવી રહ્યાં હતા ત્યારે લંકિની નામની એક રાક્ષસીએ તેમને રોક્યા હતા. ત્યારે હનુમાનજીએ તેને પોતાના પગ નીચે દબાવીને આગળ વધી ગયા હતા.

  4. દક્ષિણમુખી પ્રતિમા

    અહીં તમે હનુમાનજીને બરાબર તે જ સ્વરૂપમાં જોઈ શકો છો. આ મૂર્તિમાં હનુમાનજી દક્ષિણ તરફનું મ્હો કરીને ઊભા છે, તેમના હાથમાં સંજીવની અને ખભા પર ગદા સુશોભિત છે. કહેવાય છે કે, હનુમાનજીની આ મૂર્તિના દર્શનમાત્રથી ભક્તોની પીડા દૂર થઈ જાય છે. પરંતુ આ મહાન મૂર્તિ જ આ મંદિરની એકમાત્ર ખાસિયત નથી. મંદિરમાં બીજી પણ એક એવી વસ્તુ છે જે ભક્તોને અહીં ખેંચી લાવે છે. આ મંદિરમાં ચોવીસ કલાક એક જ્યોત બળતી રહે છે. આ જ્યોતિનો પણ ખૂબ મહિમા છે. આ જ્યોતમાં હનુમાનજીનો આશિર્વાદ હોવાનું કહેવાય છે.

  5. શનિના પ્રકોપથી બચાવે છે અખંડ જ્યોત

    માન્યતા એવી પણ છે કે, અખંડ જ્યોતિના દર્શન કરી લેવાથી વ્યક્તિ પર મંડરાઈ રહેલો શનિ દેવનો અશુભ ખતરો ટળી જાય છે. જો શનિની સ્થિતિ કુંડળીમાં ખરાબ ચાલી રહી હોય તો આ મંદિરમાં આવવાથી બંને સમસ્યાઓ દૂર થઈ જાય છે.

  6. દુ:ખ અનુસાર ચડાવાય છે પ્રસાદ

    ખાસ કરીને જે લોકો શનિની સાડાસાતીથી પીડાય છે તેમને આ મંદિરમાં આવીને આ અખંડ દીપકના દર્શન કરી લેવા જોઈએ. આ મંદિરની એક અલગ ખાસિયત છે અહીંનો પ્રસાદનો ચઢાવો. તમને જાણીને આશ્ચર્ય થશે કે, અહીં હનુમાનજીને અનેક પ્રકારના પ્રસાદ ચઢાવવામાં આવે છે. ભક્તો પોતાની મનોકામના અનુસાર પ્રસાદ લઈને આવે છે. જો ભક્ત કોઈ કેસમાંથી મુક્તિ મેળવવા ઈચ્છે તો એક નારિયેળ ચઢાવવાથી બધી પીડાઓને મુક્તિ મળી જાય છે. જો કોઈ સંતાનહીન હોય તે અહીં અખંડ જ્યોતમાં તેલ ચઢાવે છે. આ ઉપરાંત સામાન્ય મનોકામનાઓ પૂર્ણ કરવા માટે રોટલીનો પ્રસાદ ચઢાવવામાં આવે છે.

  7. હંમેશા ભક્તોથી ઊભરાય છે આ મંદિર

    અહીં રોજેરોજ ભક્તોની ભીડ જોવા મળે છે. સંધ્યા આરતી સમયે અહીં ભક્તોની ભીડ જોવાલાયક હોય છે. હનુમાનજીની મૂર્તિ, અખંડ જ્યોત ઉપરાંત ચંદનની ગદાના દર્શનનો પણ મહિમા છે. આ બધી વસ્તુઓ ભક્તોને બળ તથા બુદ્ધિ આપે છે.

Related posts

દિલ્હીમાં જ રહેતા હતા ભીમ પુત્ર ઘટોત્કચ,જુઓ આ રહી નિશાનીઓ…

Nawanagar Time

ચૈત્ર માસમાં લીમડાનું સેવન અને અલુણા વ્રતનું મહત્વ

Nawanagar Time

દ્વારકાધીશ જગત મંદિરે તુલસી વિવાહની ધામધૂમપૂર્વક ઉજવણી

Nawanagar Time

Leave a Comment