Nawanagar Time
અજબ-ગજબ

1500 થાંભલા પર ટકેલું છે આ અદભુત આરસપહાણનું મંદિર,જાણો શું છે આ મંદિરની ખાસિયત…

this-wonderful-marble-temple-is-built-on-1500-pillars-know-what-is-the-temples-specialty
  • વિશ્વમાં સ્થાપત્યકલા માટે જાણીતું મંદિર

ભારત સમગ્ર વિશ્વમાં પોતાની સંસ્કૃતિ માટે જાણીતું છે. આપણા દેશમાં અદ્ભૂત મંદિરો, ગુફાઓ અને સુંદર ઐતિહાસિક ઈમારતોની કમી નથી. આવા જ અદ્ભૂત મંદિરોમાંથી એક છે આરસપહાણનું એ મંદિર જે સ્થાપત્ય કલા, નક્શીકામ માટે અને ખાસ કરીને 1500 થાંભલા પર ટકેલું હોવાથી વિશ્વભરમાં જાણીતું છે.

  • 1500 થાંભલા પર ટકેલું જૈન મંદિર

રાજસ્થાનના ઉદયપુરથી લગભગ 100 કિલોમીટર દૂર આવેલા રણકપુરનાં આ જૈન મંદિર આવેલું છે. આ મંદિર જૈનોના પાંચ મુખ્ય તીર્થસ્થળોમાંથી એક છે. આ મંદિરની કોતરણી ખૂબ સુંદર રીતે કરવામાં આવી છે. રણકપુર સ્થિત આ જૈન મંદિર 1500 થાંભલા પર ટકેલું છે તે તેની સૌથી મોટી ખાસિયત છે. આ મંદિર સંપૂર્ણપણે આરસપહાણમાંથી તૈયાર કરવામાં આવ્યું છે.

  • 15મી સદીમાં થયું હતું નિર્માણ

આ મંદિરના દ્વાર કલાત્મક રીતે બનાવાયા છે. મંદિરના મુખ્ય ગૃહમાં તીર્થંકર આદિનાથની આરસપહાણથી બનેલી ચાર વિશાળ મૂર્તિઓ પણ છે. આ મંદિરનું નિર્માણ 15મી સદીમાં રાણા કુંભાના શાસનકાળમાં થયું હતું. રણકપુર નામ રાણા કુંભાના નામથી જ પડ્યું છે. મંદિરની અંદર હજારો થાંભલા છે જે આ મંદિરની સુંદરતા વધારે છે. ખાસ વાત એ છે કે, બધા થાંભલામાં જ્યાંથી પણ જોશો તમને મુખ્ય મૂર્તિના દર્શન ચોક્કસ થશે. આ થાંભલાઓ પરનું નક્શીકામ પણ આકર્ષક છે.4

  • મોક્ષ પ્રાપ્ત કરવા પ્રેરણા આપે છે

શ્રેષ્ઠ નક્શીકામ માટે જાણીતા આ મંદિરમાં વિશ્વભરમાંથી દર્શનાર્થીઓ આવે છે. જૈન મંદિરમાં 76 નાના ગુંબજવાળા પવિત્ર સ્થાન, 4 મોટા પ્રાર્થના કક્ષ અને ચાર મોટા પૂજા સ્થળ છે. માનવામાં આવે છે કે આ મનુષ્યને જીવન-મૃત્યુની 84 યોનીઓમાંથી મુક્તિ પ્રાપ્ત કરીને મોક્ષ પ્રાપ્ત કરવા માટે પ્રેરણા આપે છે.

 

Related posts

દારૂના બેરલમાં ફુલ્લી એર-કન્ડિશન્ડ નાની હોટલ બનાવાઈ, એકસાથે ત્રણ લોકો રહી શકે

Nawanagar Time

અજબ ગજબ છે આ જલેબીનું અંગ્રેજી નામ,ક્લિક કરી જાણો તેનું નામ…

Nawanagar Time

લ્યો હવે અમેઝોનમાં પણ આટલા રૂપિયામાં વેચાઈ રહ્યું છે, આ નારિયેળનું શેલ ઉપરથી આપી રહ્યું છે કેશબેક…

Nawanagar Time

Leave a Comment