Nawanagar Time
ધાર્મિક

શું તમે જાણો છો નાગા સાધુઓની રહસ્યમય દુનિયા વિષે ? ક્લિક કરી જાણો…

to-become-a-naga-sadhu-you-have-to-take-rigid-training-rather-than-army-know-this-world-of-naga-monks
  1. નાગા સાધુઓની રહસ્યમય દુનિયાઃ

    કુંભ મેળામાં મુખ્ય આકર્ષણ નાગા સાધુઓનું હોય છે જેમને જોવા માટે આખી દુનિયામાંથી યાત્રીઓ કુંભ મેળામાં આવે છે. આ નાગા સાધુઓ માત્ર કુંભ મેળા દરમિયાન જ દેખાય છે. બાકીના સમયમાં તે ક્યાં જાય છે, શું કરે છે? કેવુ જીવન જીવે છે? જો તેમની પાસે દુનિયાના સંપર્કમાં રહેવાના કોઈ સાધનો નથી તો તેમને કુંભ વિષે કેવી રીતે ખબર પડે છે? આવા સવાલો આપણને થાય તે સ્વાભાવિક છે. નાગા સાધુઓની રહસ્યમયી દુનિયા વિષે આટલી વાતો જાણીને તમારા બધા સવાલોના જવાબ મળી જશે.

  2. હિન્દુ ધર્મના પ્રખર હિમાયતીઃ

    હિન્દુ ધર્મ હંમેશા માણસને પ્રકૃતિ સાથે જોડતો આવ્યો છે. આ ધર્મની માન્યતા મુજબ જન્મ-મૃત્યુનું ચક્કર ચાલ્યા કરે છે. શરીર એ માત્ર આત્માનું નિવાસસ્થાન છે અને આત્મા અમર છે. આ વાતને નાગા સાધુઓ વાસ્તવિક જીવનમાં ઉતારે છે. તેઓ શિવભક્ત હોય છે. તે જીવનભર આકરુ તપ કરે છે અને સનાતન હિન્દુ ધર્મની રક્ષા કરવાની તથા ભારતની વૈદિક પરંપરાને આગળ ધપાવવાની કસમ થાય છે.

  3. કોણ બની શકે નાગા સાધુ?

    નાગા સાધુ બનવું ખૂબ જ મુશ્કેલ છે. નાગા સાધુ બનવાની તાલીમ દુનિયાની કોઈપણ આર્મીમાં અપાતી ટ્રેનિંગ કરતા પણ કઠોર હોય છે. સાધુ બનવા માટે વ્યક્તિએ સંપૂર્ણ બ્રહ્મચર્યનું પાલન કરવું પડે છે અને વાસના પર કંટ્રોલ મેળવવો પડે છે. બ્રહ્મચર્યનું પાલન માત્ર શરીરથી જ નહિ પણ મનથી પણ કરવું પડે છે. દુનિયાની તમામ ભૌતિક ચીજોને ત્યાગી દેવી પડે છે. આટલું કરનાર વ્યક્તિને નાગા સાધુ બનવાની ટ્રેનિંગ અપાય છે. નાગા સાધુ બનવા માટે બીજી પણ કેટલીય કડક શરતોનું પાલન જરૂરી છે. તેમને અખાડામાં શામેલ કરતા પહેલા તેમનું બેકગ્રાઉન્ડ ચેક કરાય છે. છ મહિનાથી 12 વર્ષસુધી બ્રહ્મચર્યનું પાલન કરવા જણાય છે. ઘણા લોકોને નાગા સાધુ બનવામાં 20-30 વર્ષનો પણ સમય લાગી જાય છે.

  4. ભગવાન, લોકો અને દેશની સેવાઃ

    જે લોકો પોતાની બધી જ ઈન્દ્રિયો પર કાબુ મેળવે છે તે જ નાગા સાધુ બને છે. તે લોકો માને છે કે જે વ્યક્તિ પોતાનું વિચારે છે તે સમજા પર ભાર છે અને તે રાષ્ટ્ર ધર્મ નિભાવી શકતા નથી. 16થી 18 વર્ષના, બ્રાહ્મણ, વૈશ્ય, ક્ષત્રિય કે ક્ષુદ્ર કોઈપણ વર્ણના પુરુષ નાગા સાધુ બની શકે છે પણ તેમણે આ માટે કઠોર તપસ્યા અને આકરી પરીક્ષા આપવી પડે છે. નાગા સાધુ બનવા માટે વ્યક્તિએ પોતાના પરિવાર અને સમાજ સાથે બંધન તોડવાા પડે છે. તે પોતે જ પિંડદાન અને શ્રાદ્ધ કરીને પરિવાર, સમાજ અને મિત્રો સાથે સંબંધો તોડી નાંખે છે. તેમના ગુરુ તેમને નવુ નામ અને ઓળખ આપે છે અને તે આજીવન પોતાની ગુરુની સેવામાં વીતાવી દે છે.

  5. કપડા પહેરવાની મનાઈઃ

    ભલે હિમાલયની કડકડતી ઠંડી હોય, નાગા સાધુને કપડા પહેરવાની મનાઈ છે. તે માત્ર પોતાના ગુપ્તાંગોને ઢાંકવા ભગવા કપડાનો ઉપયોગ કરી શકે છે. તે શરીર પર ભસ્મ ચોળે છે અને ફૂલની માળા, રૂદ્રાક્ષ પહેરે છે. તે શિવભક્ત હોવાથી શિવજીની જેમ ત્રિશુલ અને ખોપરી પણ ધારણ કરે છે. તેમના વાળ લાંબા હોય છે અને તે જટા વાળે છે. તે દિવસમાં માત્ર એક જ વાર જમી શકે છે. અને તેમને જમીન પર સૂવુ ફરજિયાત છે. એવુ મનાય છે કે ખૂબ પહોંચેલા નાગા સાધુઓને તો શરીરનું પોષણ કરવા અન્ન-પાણીની પણ જરૂર નથી પડતી.

  6. ક્યાં રહે છે?:

    નાગા સાધુઓ સામાન્ય રીતે જંગલો, પર્વતો અને હિમાલયમાં રહે છે. તે એવી જગ્યા પસંદ કરે છે જ્યાં સામાન્ય લોકો ન આવતા હોય. અમુક જગ્યા તો ઘણી કષ્ટદાયક પણ હોય છે જેમ કે ત્યાં ઠંડી કે વરસાદ ઘણો વધારે પડતો હોય. સામાન્ય માણસો આવી જગ્યાએ પહોંચવાની હિંમત પણ નથી કરતા.તે રાત્રે લોકોની વસ્તી ઓછી હોય તેવા જ સમયે પ્રવાસ કરવાનું પસંદ કરે છે. તેમની ટેલિપથી ગજબ હોય છે અને તે સુક્ષ્મ શરીરથી દુનિયાના કોઈપણ છોડે પહોંચી જાય છે. એવુ મનાય છે કે સમય અને અંતર તેમના કાબુમાં હોય છે. તે લાંબો સમય એક જગ્યાએ નથી ટકતા અને પગપાળા જ બધે જાય છે.

  7. કુંભની કેવી રીતે ખબર પડે?

    આ નાગા સાધુઓનો દુનિયાથી સંપર્ક કપાઈ ગયો હોય તો તેમને કુંભ મેળાની કેવી રીતે ખબર પડે એ સવાલ બધાને જ થાય. સંતોના 13 અખાડા છે જેમાંથી સાત સન્યાસી અખાડા નાગા સાધુઓ બનાવે છે. તેમાં જૂના મહાનિર્વાણી, નિરંજની, અટલ, અગ્નિ, આનંદ, આવાહન અખાડાનો સમાવેશ થાય છે. આ અખાડાઓમાં દારોગા હોય છે જે સાધુઓને અખાડા સાથે જોડેલા રાખે છે. દૂર દૂર જંગલ, ગુફામાં રહેનારા સાધુઓને કુંભમાં બોલાવાનું કામ કે કોઈ સૂચના પહોંચાડવાનું કામ આ દારોગા કરે છે.

  8. યોદ્ધાઃ

    નાગા સાધુને સનાતન ધર્મની રક્ષા કરનારા હોવાથી તેમને યુદ્ધકળાની તાલીમ અપાય છે. તે કુસ્તીમાં પણ પારંગત હોય છે. તેમને છંછેડવામાં ન આવે ત્યાં સુધી તે કોઈને નુકસાન પહોંચાડતા નથી. તે સત્ય, ચોરી ન કરવી, અપરિગ્રહ, અહિંસા, બ્રહ્મચર્યા જેવા નિયમોનું કડક પાલન કરે છે.

Related posts

મકાનમાં વધારે પડતી બારીઓ નિવડે છે નુકસાનકારક,જાણો શા માટે

Nawanagar Time

કુંડળીમાં જો નબળો હોય શુક્ર તો કરો આ ઉપાય, સુખ અને સમૃદ્ધિનો થશે વરસાદ

Nawanagar Time

21મી જુને કંકણાકૃતિ સૂર્યગ્રહણ: સવારથી બપોરે 1:23 સુધી સોમનાથ મંદિરની તમામ પૂજા-આરતી બંધ રહેશે

Nawanagar Time

Leave a Comment