Nawanagar Time
ધાર્મિક

શું તમે જાણો છો કઈ વસ્તુથી ઉત્સવ મનાવે છે ગાય..?? ચાણક્ય નીતિમાં થયો છે ઉલ્લેખ…

wifes-happiness-and-festivities-are-hidden-in-chanakya-policy
કોના માટે કઈ બાબત ઉત્સવ અને ખુશી?

આચાર્ય ચાણક્યએ પોતાની નીતિઓમાં જણાવ્યું છે કે, સાધુ-સંત, ગાય, પત્ની અને ક્ષત્રિય માટે ઉત્સવ શું છે અને કોનાથી તેમને આ સુખની પ્રાપ્તિ થાય છે? આ ઉપરાંત તેમણે એ પણ જણાવ્યું છે કે, જો આ ચારેયને પ્રસન્ન કરવા હોય તો કેવા પ્રકારનો વ્યવહાર કરવો જોઈએ. ઉત્સવોનું મહત્વ સમજાવવા માટે આચાર્યે મહાભારતના પ્રસંગનું પણ વર્ણન કર્યું છે.

આ છે સાધુ-સંતોનો ઉત્સવ:-

વિપ્ર એટલે કે સાધુ-સંતને નિમંત્રણ અને પૂજા સત્કાર માટે બોલાવવા, તેમને સુખ આપે છે. આ જ તેમના માટે ઉત્સવ છે એટલે સાધુ-સંતોનો આદર-સત્કાર થવો જોઈએ. આ કાર્યથી સાધુ-સંતને તો ખુશી મળે જ છે સાથે-સાથે તમને પણ પુણ્યની પ્રાપ્તિ થાય છે.

આ વસ્તુથી ઉત્સવ મનાવે છે ગાય:-

ચાણક્ય અનુસાર, તમે ઘરના ખીલે બાંધીને ગાયને ભલે ગમે તેટલું ખવડાવો પણ તેમાં તેનો ઉત્સવ નથી, આનાથી ગાયને ખુશી મળતી નથી. ગાયનો ઉત્સવ લીલા-લીલા ઘાસમાં છે. જ્યારે ખુલ્લા મેદાનમાં તેમને આવું ઘાસ ચરવા માટે મળે છે ત્યારે તે તેમના માટે ઉત્સવ છે.

પત્નીનું સુખ:-

પત્નીનો ઉત્સવ તેના પતિ સાથે જોડાયેલો હોય છે, જો પતિ ખુશ હોય તો પત્ની પણ ખુશી રહે છે. પત્નીની પ્રસન્નતા માટે પતિએ તેની સામે ખુશ રહેવું જોઈએ. આનાથી પત્નીને આનંદ મળે છે.

ક્ષત્રિયનું સુખ:-

ક્ષત્રિયો માટે સુખ શું છે? આ વાતનો ઉલ્લેખ કરવા માટે ચાણક્ય અર્જુનનું ઉદાહરણ રજૂ કરે છે. તેમણે અર્જુનના માધ્યમથી જણાવ્યું કે, ક્ષત્રિયોનો ઉત્સવ રણ છે. મહાભારતના યુદ્ધમાં શ્રીકૃષ્ણે અર્જુનને આ વાત યાદ અપાવી હતી અને કહ્યું હતું કે, ધર્મ માટે યુદ્ધ કરો અને આ જ ક્ષત્રિયોનો ધર્મ અને ઉત્સવ છે.

 

Related posts

આ મંદિરોમાં પૂર્ણ થાય છે તમામ મનોકામના, પુરૂષો માટે બંધ છે આ મંદિરોનાં દ્વાર

Nawanagar Time

એકાક્ષી નારિયેળની પૂજા કરવાથી થઇ જશો માલામાલ, નહીં રહે કોઇ સમસ્યા

Nawanagar Time

રામ જન્મભૂમિ મંદિર નિર્માણ નીધિ માટે જામનગરમાં 15 લાખ લોકોનો સંપર્ક કરાશે

Nawanagar Time

Leave a Comment